Plantun de Prouvènço

Pèr coumpara dos planto d'encò nostre

Colchicum longifolium & Panicum barbipulvinatum

Colchicum longifolium

Colchicaceae

Nom en français : Cochique de Naples.

Descripcioun :
Aquéu bramo-vaco trachis dins li roucaio e tepeiro seco di colo. Flouris en autouno. Se destrìo de Colchicum autumnale d'un biais eisa à la primo que fai de fueio bèn mai primo. Autramen, aleva que vèn pas en mountagno, fau regarda la loungour di tepalo que dèvon faire mens de 4,5 cm (>4,5 cm pèr la pìpia). Coumpara emé la pìpia.

Usanço :
Es uno planto forço empouisounanto que caup de cóuchicino, un pouisoun de la divisioun celulàri.

Port : Erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Colchicum
Famiho : Colchicaceae

Coulour de la flour : Vióuleto
Petalo : 6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco :

Liò : Colo - Tepiero seco - Camin
Estànci : Termoumediterran à Subremediterran
Couroulougi : Pancaro entresigna
Ref. sc. : Colchicum longifolium Castagne, 1845 (= Colchicum neapolitanum )

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.